(English: Scrolldown for English | toki ike Inli li lon anpa pi toki pona)

• lipu: https://ilonena.sadale.net/
• sitelen tawa lon ilo Jutu "Youtube": https://www.youtube.com/watch?v=uy7cPwKw794

ilo nena - ilo pi nasin sitelen Wakalito

ilo nena ni li ken pali e sitelen pona tawa ilo sona kepeken nasin sitelen Wakalito. ilo nena la:

• nasin sitelen Wakalito li lon insa ona
• ken pana e sitelen pona tawa ilo sona kepeken nasin UCSUR pi sitelen pona
• ona li lili. ni li suli ona: 102mm x 64mm x 18mm
• jan li ken pilin e nena ali lon tenpo sama (ni li wile e lipu kiwen sona "PCB rev2")
  • lipu "PCB rev0" en lipu "PCB rev1" la jan li ken pilin e nena tu taso lon tenpo sama. sina ante ala e sona pi ilo nena la nena tu taso li pona. taso sina wile ante e sona ona la ken la sina wile e lipu "PCB rev2". ni la sina esun e lipu "PCB rev0" e lipu "PCB rev1" la o toki tawa mi. mi wile pana e ilo nena sin tawa sina kepeken mani ala.
• jan li ken pana e sona sin tawa ona kepeken nasin "USB"
• sona ali ona li lon. jan ali li ken lukin e ona li ante e ona li pali e ona
• jan li ken pali e ona mute kepeken mani lili kepeken tenpo lili

nasin kepeken

sina wile kepeken ilo nena la o pali e ni lon ilo sona sina:

1. o kama jo e sitelen "FairFax HD"
2. ilo sona sina li kepeken nasin seme?
   • 🪟 nasin lupa "Windows": o kama jo e ilo WinCompose. ilo nena li kepeken nena "R_ALT+U+NANPA".
   • 🐧 nasin soweli "Linux": o pali e ala. ilo nena li kepeken nena "CTRL+SHIFT+U+NANPA"
   • 🍎 nasin kili "Mac OS": o kama jo e nasin "Unicode Hex Input" lon ilo sona sina. ilo nena li kepeken nena "Option+NANPA"
   • nasin ante: ilo nena li ken pana e sitelen Lasin e sitelen UCSUR ala.
3. o kepeken linja "USB". kepeken linja ni la ilo sona sina en ilo nena li kama wan. kin la ilo nena li kama jo e wawa
4. o pilin awen e nena pi nimi ala. sina pilin e ona la o weka ala e palisa luka sina. sina kama lon ma ni la sina ken anu e nasin. o anu e nasin sama nasin pi ilo sona sina:
   • 
   • sina ken anu e nasin kepeken nena "la". sina pini la o pilin e nena "pana"
5. o open e ilo sitelen lon ilo sona sina. o kepeken sitelen "FairFax HD". ni la sina ken pana e sitelen pona kepeken ilo nena a!
6. (ken) tenpo ali la sina kepeken ilo sona pi nasin sama la, sina ken pali e ni:
   • o weka e wawa tan ilo nena sina
   • o pilin awen e nena "weka". ni la o pana e wawa tawa ilo nena. o weka ala e palisa luka sina.
   • o anu e nasin kepeken nena "la" en nena "luka". sina pini la o pilin e nena "pana"
   • wawa li weka la sona pi nasin sina li weka ala

nasin pi ante sona

sina ken pana e sona sin tawa ilo nena kepeken ilo "minichlink" kepeken nasin ni:

1. ilo nena sina o jo ala e wawa.
2. o pilin awen e nena "pana". o weka ala e luka sina.
3. o pana e wawa tawa ilo nena sina kepeken ilo sona sina
4. tenpo ni la ilo nena sina li sitelen e ala lon ma sitelen ona. ni li pona.
5. o kepeken ilo minichlink lon ilo sona sina: ./minichlink -w /ma/pi/sona_sin_sina.bin 0x08000000 -b

sona seme li lon?

bootloader/      # kepeken sona ni la sina ken pana e sona sin tawa ilo nena kepeken nasin "USB"
cardboard_label/ # sitelen poki
docs-assets/     # sitelen pi lipu README.MD
enclosure/       # selo
keycap_label/    # sitelen lon nena
kicad/           # lipu kiwen sona. ilo nena li jo e lipu kiwen. jan li pana e sona tawa ona la ilo nena li ken pali.
src/             # kepeken sona ni la ilo nena li pali. ilo nena li lukin e nena li pana e sitelen tawa ilo sona.
user_manual/     # jan li lukin e ona la jan ni li kama sona e ilo nena li ken kepeken ona.
full_bom_batch_5.csv  # lipu ni li pana e sona ni: jan li wile pali e ilo nena la ona o esun e ijo seme?

o esun e ilo nena!

sina ken esun e ona lon esun Sate.

mi jo e mani namako la mi wile pana e ilo nena tawa jan pi mani ala! :)

o pali e ilo nena!

• o lukin e lipu "README.MD" insa poki ni:
  • kicad/ -> keycap_label/ -> bootloader/ -> src/ -> enclosure/ -> user_manual/ -> cardboard_label/
• o lukin e lipu full_bom_batch_5.csv. ni la sina ken esun e ijo pali pi ilo nena.
  • o sona e ni: ilo pali li lon ala lipu ni a! ilo pali li ni: ilo WCH-LinkE en ilo seli en ilo pi pali sitelen en ijo ante.

jan pona pi ilo nena

jan Sate li pali e ilo nena. taso jan ni li lon ala la ilo nena li ken ala lon:

• jan Sonja li pali e toki pona
• jan Likipi en kala pona Tonyu en jan Tepo li pali e nasin sitelen Wakalito
• jan Osi li pali e sitelen leko lili. sitelen pi ilo nena mi li kepeken ona.
• jan ali pi toki pona. sina kin! :-)

jan ni li pona mute tawa ilo nena. pona tawa sina ali!

ken

lipu anpa ni li mi ala. sina wile lukin e ken ona la o lukin e nimi insa sitelen insa ona:

• bootloader/bootloader.bin
• src/usb_config.h
• src/generated.c
• src/ilonena.bin - ona li jo e src/usb_config.h en src/generated.c
• user_manual/lipu_sona.odt en user_manual/lipu_sona.pdf - ona li jo e nimi ali pi nasin sitelen Wakalito

mi pali e lipu ante ali. ken ona li ken "BSD 2-clause".

o sona e ni: mi pali ala e nasin sitelen Wakalito. jan pali pi nasin sitelen Wakalito li toki e ni tawa mi: mi ken pali e ilo nena li pana e ona tawa jan ante. sina pali e ilo nena sama li wile pana e ona tawa jan ante la o toki tawa jan pali pi nasin sitelen Wakalito!

ilo nena - Toki Pona Unicode Keyboard with Built-in Wakalito Input Method

ilo nena is a purpose-built keyboard for typing sitelen pona glyph of Toki Pona into computers. Feature list:

• Built-in Wakalito input method
• Supports Unicode output with sitelen pona UCSUR codepoints
• Compact form factor: 102mm x 64mm x 18mm
• NKRO support (since PCB rev2)
  • PCB rev0 and PCB rev1 supported 2KRO only, which's sufficient as long as you don't mod the firmware for non-Wakalito use cases. If you require NKRO and you happened to have ordered/received a unit of older revision, let me know and I'll send you a new one for free.
• Supports USB flashing for firmware update or custom firmware
• Fully open source (firmware, PCBA, enclosure, user manual, etc.)
• Cost-optimized for small volume production. Easy to build your own unit

Usage

1. Install the font "FairFax HD"
2. Which operating system are you using?
   • 🪟 Windows: Install WinCompose. ilo nena uses "R_ALT+U+digits" to type Unicode
   • 🐧 Linux: Supported out of the box for most linux distros. ilo nena uses "CTRL+SHIFT+U+digits"
   • 🍎 Mac OS: Configure and use the built-in "Unicode Hex Input". ilo nena uses "Option+digits"
   • Others: ilo nena has Latin (ASCII) mode that's compatible with all devices. However, it couldn't output Unicode in this mode. You would need a font that supports conversion between Latin to sitelen pona such as FairFax Pona HD.
3. Connect USB cable, one side with ilo nena, another side with your computer
4. Hold the space key to enter the config screen below:
   • 
   • press the "la" key (leftmost column, topmost row) to select the OS. Once done, press the "pana" key (the yellow key on the rightmost column)
5. Launch any text editing software and select the font "FairFax HD". You're all set! Now that you can type sitelen pona with ilo nena!
6. (Optional) Here's how you set the default OS to use upon powering on the ilo nena:
   • Remove power from ilo nena
   • Hold the "weka" key (the yellow key on second column to the right) and connect USB cable.
   • Select configuration with the "la" key and the "luka" key (leftmost column, central row). After you're done, press the "pana" key
   • Your default settings is saved to ilo nena and preserved across power cycles

Firmware Update

Firmware update can be performed via USB with "minichlink". Instruction:

1. Remove power from ilo nena
2. Hold the "pana" key (the yellow key on the rightmost column)
3. Connect USB cable, one side to your computer, another side to ilo nena
4. While in firmware update mode, the display of ilo nena would show nothing, which is intended
5. Run this command on your computer: ./minichlink -w /path/to/firmware.bin 0x08000000 -b

Repo Structure

bootloader/      # Bootloader for providing USB firmware update functionality (a patch against rv003usb)
cardboard_label/ # Label slapped onto the packaging cardboard
docs-assets/     # Images for README.MD
enclosure/       # The 3D printed enclosure design
keycap_label/    # The keycap label design printed onto UV DTF transfer sheet
kicad/           # Electronics design
src/             # Firmware source code
user_manual/     # User manual source and PDF
full_bom_batch_5.csv  # Full BOM with price assuming batch of 5 units

Ordering (Not recommended)

As I'm operating on a non-profit basis with my own free labor, to avoid burn out and limit the scale of operation, this device is only available for order to Toki Pona speakers.

I do not recommend that but if you really want it that badly and you don't speak Toki Pona, please use a contact method mentioned in sadale.net. Tell me your situation. I might be able to arrange something for you.

Build your Own Unit (Recommended)

• Just follow the the README files inside the folders in the following sequence:
  • kicad/ -> keycap_label/ -> bootloader/ -> src/ -> enclosure/ -> user_manual/ -> cardboard_label/
• A full BOM full_bom_batch_5.csv is available for your procurement reference
  • Warning: The BOM doesn't contain equipments like WCH-LinkE programmer, soldering iron, printer, etc.

Credits

ilo nena was developed by Sadale (jan Sate). This project wouldn't have been possible without the following prior works:

• jan Sonja: Created Toki Pona langauge
• jan Likipi, kala pona Tonyu and jan Tepo: Developed Wakalito input method for sitelen pona
• jan Osi: Created the public domain font sitelen leko lili, which's embedded into ilo nena
• All of the Toki Pona speakers around the world! This product's useless without a solid community! :-)

For all of the people above, you have my gratitude. Thank you very much!

License

The following files are adapted from external sources. Please read the comment inside the files to view the license information:

• bootloader/bootloader.bin - Built from MIT license source
• src/usb_config.h - Adapted from MIT license source
• src/generated.c - Contains font and strings generated from external files
• src/ilonena.bin - Built with src/usb_config.h and src/generated.c
• user_manual/lipu_sona.odt and user_manual/lipu_sona.pdf - Contains lookup table of Wakalito input method

All other files are my own and they're licensed under BSD 2-clause license.

Reminder: I do not own the design of Wakalito input method included in the src/generated.c file. I've obtain the permission from the Wakalito authors for making it "as long as it isn't made with profit in mind". If you want to make your own unit and redistribute/sell that, please ask the authors of Wakalito for permission.